حكمة العجوز شنودة

كان المشهد كالتالى
(يوسف يجلس على شاطئ النيل سارح فى افكاره ويدخن تخلص سيجارة يولع غيرها بينما يجلس بجواره رجل عجوز يظهر عليه الكبر يصطاد)
يصرف يوسف تفكيره عن العجوز وعمره ويتوه فى افكاره وهمومه وقلقه
قلقه على مستقبله
بكره اللى مش باين له ملامح
يوسف قد انهى هذا العام الثانوية العامة وفشل فى الحصول على مجموع كبير يمكنه من الالتحاق بكليه الهندسة مما دمر حلم حياته وقرر ان يدخل كلية التجارة
(يشعل يوسف سيجارة وهو يقول فى صحة كلية الشعب )
قلقه بسبب الاحوال المادية
يوسف ينتمى الى اسرة من الطبقة المتوسطة
(تبا لهذا الهراء لقد انهارت هذه الطبقة وتاكلت فاصبح هناك فى مصر طبقتين طبقـــــة فـــــــــــــــوق وطبقة تحــــــــــــت والكلام عن الطبقة الوسطى او المتوسطة هو كلام فاضى )
كل حاجة بتغلى ويوم بعد يوم يستغنى عن شئ يحبه بسبب الغلاء
يدخن ويدخن ويفكر
- هو انا جيت الدنيا ليه؟
تتحول الافكار لحوار بين يوسف ونفسه
- علشان تعمر الكون
- كليشيه محفوظ ما فيش حاجة اسمها تعمير الكون الكون ما هو الا مساحة من الفوضى والاحداث العشوائية وخصوصا فى مصر
عارف انا احيانا بفكر انى ممكن اكون جيت الدنيا غلط
- ايه يا عم الكلام ده ده انت محظوظ
- ده بامارة ايه ؟؟
- بامارة انك انت الحيوان المنوى الوحيد من بين 20 مليون حيوان منوى اللى بقى بنى ادم شوف الحظ
- تفتكر لو كان حيوان منوى تانى هو اللى بقى بنى ادم كنت انا هبقى فين ويا ترى حياته كانت هتبقى عاملة ازاى؟
- يلعن ابو التفكير اللى بيطلع اسئلة بنت .....فى دماغك ملهاش اى اجابة
- ما فيش حاجة اسمها سؤال من غير اجابة فيه حاجة اسمها ان تفكيرك ماقدرش يوصل للاجابة او وصل لاجابة ثوابتك تتعارض معاها فاقنعت نفسك ان السؤال مالهوش اجابة
- برضه يلعن ابو التفكير وبقولك ايه بقى سيبك من ده كله اللى حصل حصل وبقيت بنى ادم....................
- فاشل تعرف انا ساعات بفكر ان ممكن تكون الدنيا دى كلها مش حقيقية وهى عبارة عن بروفة جينرال للحياة الاصلية
- هيبان
- هو ايه ده اللى هيبان؟؟
- كل حاجة يا معلم اذا كانت الحياة بروفة جينرال فاكيد لحظة موتك المخرج هيطلع ويقولك برافو جو اداء رائع وتدخل العرض الحقيقى بقى
(يطيل يوسف النظر الى الماء)
- بتفكر فى ايه؟؟
- بفكر انط واعرف الاجابة دلوقتى اذا كانت الحياة دى حقيقية ولا بروفة جينرال ايه اللى يخلينى اعيش الحياة دى ؟؟؟
- نفس الاسباب اللى تخليك تنتحر هى هى اللى تخليك تعيش
- ما انت بقيت فيلسوف اهو!!!
- اتعلمت من اهلك بقالك اكتر من 5 سنين عمال تتفلسف على اهالينا لازم اتعلم منك انا بتكلم بجد انت يا يوسف ما عملتش حاجة فى دنيتك وحاسس ان حياتك بلا قيمة او هى كده فعلا وعلشان كده عايز تنتحر والوش التانى للكوين انك لازم تعيش علشان تعمل حاجة فى حياتك اللى ماعملتش فيها حاجة الحياة والموت وجهان لكوين واحدة اوعى تفتكر انك هتموت تغمض عينيك وتفتحها تلاقيك فى مكان اجمل او تستريح. الجنة والنار موجودين ع الارض هنا الفرق ان فى الحياة بتعيش فى الاتنين مع بعض يوم فى الجنة ويوم فى النار ساعة فى الجنة وساعة فى النار وهكذا
- بص شايف الراجل ده.................(يشعل يوسف سيجارة وينفث الدخان) شكله كبير قوى ايه اللى عيشه المده دى كلها مع ان الحياة لعنة انا مؤمن ان اللى يموت عدوه علشان يرتاح منه حمار اذا اردت تعذيب عدوك فقط دعه يحيا.
- ماشى يا عم الحياة لعنه الموت يا معلم ممكن يكون متين لعنه افرض ان الحياة دى طلعت حقيقية هل عندك اى ضمان ان ربنا جميل وطيب ورحيم وهيدخلك الجنة مش ممكن يكون زهقان منك ومش طايقك ويروقك فى النار هتعمل ايه يا معلم هتبقى اتمشيت للنار برجلك وساعتها العذاب هيبقى حقيقى
ها يا معلم عندك ضمان انك ممكن تعدى منه ويدخلك الجنه؟؟؟
عندك ضمان انك لما تسافر تروح مكان اجمل ؟؟
الحياة ممكن تكون فى لحظة اجمل من الجنة اللى انت عايز تروحها علشان قرفان من الدنيا
- مش عارف فعلا ممكن تكون الدنيا حقيقية مش بروفه ولا رسمه كروكى لحياة تانية
وانا فعلا مش على علاقة كويسة بربنا بل انى احيانا بفكر فى حاجات تخليه لو موجود يبقى ناقم عليا جدا ويوميا بسمع عن عذاب هو محضره للى زييى كده ومش متاكد اذا كان حقيقة ولا خيال مريض من رجال دين معتوهين؟؟ انا عمرى ما كنت متدين بعكس كتير من اصحابى ومعارفى وفعلا لو طلع ربنا مش رحيم ولا حاجة وطلع فعلا محضر كل اشكال العذاب دى ليا هبقى خدت خ...............
بس انا بقالى اكتر من سنتين ما ضحكتش انا حاسس ان وشى صدى من قله الضحك انا النهاردة بصيت فى المراية حسيت ان الوش ده لواحد تانى مش ليا
عايز اخلص من الحياة المقرفة دى وفى نفس الوقت ما عنديش اى تصور عن الحياة التانية اللى هروحها
تفتكر فعلا ممكن تكون حياتنا مرة واحدة وخلاص وبعد الموت حارة سد؟؟؟
- ما فيش اى ضمانات قاعدة ذهبية .اى شئ غير ملموس هو غير محدد وغير معروف كليا ما فيش حد مات وبعدين رجع حكى عن اللى حصل للاسف يا جو سؤالك مالوش اجابة ....
- تانى هتقولى مالوش اجابة قلت لك قبل كده كل سؤال له اجابة
- طيب يا فيلسوف الغبرة قولى ايه جواب سؤالك
(سيجارة اخرى يشعلها ويطقطق راسه )
- مش عارف يا يوسف الملحدين بيقولوا ان الدنيا مرة واحدة وبعدين شكرا الانسان بيفنى وخلاص فى حين ان الدينيين لهم راى عكس كده وهى ان فيه حياه تانية ورا حاجز الموت وفيه جنه وفيه نار فيه ملكوت للرب الارواح بتتطلع ليه او فيه نار الروح بتروحها لو كانت خطائة
- هع هع هع هع هع هع وبرضه ما فيش ضمانات الفريقين ماعندهمش اى ضمانات او اثباتات على كلامهم
- الملحدين بيستعينوا بالعلم والنظريات والدينيين بايمانهم بالغيبيات
- خلاص يبقى انت تفضل عايش فى الدنيا كده زى الشاطر لحد ما تعرف الاجابة او تختار الاجابة اللى انت عايزها اختر الاجابة الصحيحة من بين القوسين هع هع هع هع دى اسئلة الثانوية العامة اسهل من اسئلتك هع
- ما تجيبليش سيرتها
(يختلس يوسف النظر الى العجوز الصياد)
- يلعن ابو الملل الراجل ده ما زهقش بقاله ساعتين او اكتر ماطلعش سمكة واحدة
- ما هو علشان كده الصيد بيعلم الصبر
- صبر ايه ده ملل وتضييع وقت
- هع هع هع هع انت اللى بتتكلم عن تضييع الوقت ده انت حياتك كلها وقت ضايع
- صحيح على رايك
(يشعل يوسف سيجارة )
العلاقة بين يوسف والسيجارة تعدت كونها مجرد لفافة تبغ يدخنها تطورت العلاقةحتى اقتربت من الصداقة او الحب فالسيجارة ليوسف الصديق الحميم الذى يشارك يوسف احزانه وافراحة وان كانت احزانه اكتر ففى الوقت الذى يكون فيه بمفرده يفتح صدره لدخان السيجارة ويشبعه بهمومه واحزانه كصديق يفضفض له وهو ينصت بكل اهتمام.

ينظر العجوز الى يوسف ويقول له
- ممكن ولاعة ؟؟؟
يمد يوسف يده للعجوز بالولاعة
يشعل العجوز السيجارة و يرجع الولاعة ليوسف وهو يقول
- شكرا
- العفو
- بقالك ساعتين باصص للميه وشربت سجاير ياما شكلك متضايق
- شوية
- بص يا بنى هههه مع ان ابنى اكبر منك كتير .انا حاسس بيكم انتوا ولاد اليومين دول عليكم ضغط كبير الله يعينكم بس برضه حاسب على نفسك شوية
يكتفى يوسف بان يومأ للعجوز براسه
يعاود العجوز الحديث
- بص يا بنى انا عارف ان كتير من جيلكم بيحاول يبقى كويس وبيعافر مع الدنيا بس الدنيا مش بتديله اللى هو عايزه
الدنيا يا بنى زى النيل ده كده مليانه سمك والسمك ده بقى كل حاجة والسمك مش بيطلع لاى حد كل واحد منا معاه سنارة ودى العمل والسعى والسمك مش هيطلع معاك من اول مرة لازم تحاول وتصبر زييى كده بقالى 3 ساعات كل اللى بعمله انى بطلع السنارة واحط الطعم وارميها تانى وماطلعش سمك واهو الوقت اذف وهروح
ممكن يطلع معايا سمك بكرة ممكن
ممكن ما يطلعش
ممكن برضه
اعمل الللى عليك وسيبك من النتيجة و خدها من راجل عجوز رجل له فى الدنيا ورجل فى القبر عيش الدنيا زى ما هى اعمل اللى ييجى فى بالك سيبك من الناس واللى عايزينه انت ريس مركب حياتك وانت الوحيد اللى له الحق فى انه يختار ترسى المركب فين ساعات هتلاقى المركب رسيت بيك فى حته انت ما كنتش عامل حسابها سيبها ترسى بيك واسمع كلامها
عيش الدنيا يا بنى ده فرصه واضحك دايما. الضحك من غير سبب مش قله ادب اضحك علشان تتضحك لك ساعات هتحزن
مش مهم
الحزن والالم هم اللى بيفرقوك عن التمثال الحجر وهم اللى بيخلوك متاكد انك عايش
ساعات هتبقى عايز تبكى ابكى انت انسان
قام العجوز ولم حاجاته
نظر اليه يوسف وقال له
- شكرا
- العفو يا ... انت اسمك ايه
- يوسف
- الله اسمك حلو انا شنودة ودايما هتلاقينى هنا فى نفس المكان والميعاد
- اقابلك على خير
- خلى بالك على نفسك والله يعينك واضحك اضحك
ينصرف العجوز ويجلس يوسف مفكرا فى كلام العجوز شنودة ويبتسم ربما للمرة الاولى من زمن. يشعر انه تغير يقوم من مكانه ويضحك يضحك بصوت عالى وهو عازما على ان يترك الحياة تمشى


يغيب يوسف أيام وينشغل فى أمور الحياة وقد احس بطعم الحياة الجديد تذكر العجوز ذهب لنفس المكان فى الميعاد الذى قابله فيه ولكنه لم يجده جلس ساعة ولم ياتى شنودة
عاد يوسف لبيته وعاد لشاطئ النيل فى اليوم التالى ولم يجد شنودة
كان هذا حال يوسف عده ايام ولم يقابل شنودة مرة ثانيه
أين انت يا شنودة فينك دلوقتى مش عارف ممكن تكون مت وممكن تكون عايش بس فى مكان تانى فى كل الاحوال انت لسه عايش بكلامك وحكمتك.
مر اكثر من سنتين على لقاءه بشنوده ولكنه لم ينساه عاشت ذكرى هذا اللقاء معه وستعيش حتى يموت
فى هذه المده اكتئب اكثر من مرة فكر فى الانتحار كثيرا ودائما كان يظهر له وجه شنودة الطيب ويسمع صوته فى اذنه ويضحك
يضحك بصوت عالى
Based on true story

انتخابات اتحاد طلاب جامعة طنطا

اجريت امس _الثلاثاء_انتخابات اتحاد طلاب جامعة طنطا فى اليوم التالى لاعلان حكم المحكمة الادارية بالغاء وحدات الحرس الجامعى وقد كانت جامعة طنطا مثلها مثل الكثير من الجامعات المصرية قد شهدت عددا من الاعتصامات والاضرابات احتجاجا من قبل البعض على تزوير انتخابات اتحاد الكليات وتدخل الامن فى اختيار الامناء واستبعاد بعض المرشحين ولكن بعض الطلبة لهم رأى اخر فبعضهم يرى الانتخابات انتخابات نزيهة ومعبرة عن ارادة الطلبة وهذا ما يؤكده كريم احمد _امين اللجنة الفنية بكلية طب اسنان_ حيث يقول :-
"انتخابات اتحاد الطلبة كانت جيدة وعادلة ومقبولة من الكل ولا يوجد عليها اى اعتراض"
ويقول محمود الصعيدى امين مساعد لجنة رياضية بطب اسنان :-
"انا شايف ان الانتخابات فى كليتنا كانت معبرة عن ارادة الطلبة وامين اتحاد الكلية فيه اجماع على حبه وبعد الانتخابات بدأ التعاون بينه وبين المنافس له وهذا لصالح الكلية "
ونفس وجهه النظر يتبناها احمد شكرى _امين اتحاد طلاب الجامعة الفائز_ والذى يقول:-
" ما حصلش اى تزوير فى الانتخابات وكل صوت كان بيفرق وفيه ناس فازت او لا على صوت واحد فالانتخابات عادلة وبتعبر عن راى الطلبة والافضل هو اللى بيمسك لانه القادر على افادة الطلبة من خلال منصبه"
بينما تقول ايه الديب امين اللجنة الثقافية بكلية تربية نوعية :-
"احنا بنبقى عارفين مين اللى هيفوز فى الانتخابات لان كل واحد عارف الناس بتاعته اللى هيدولوا صوتهم "
وعن دور الامن وتاثيره فى اختيار امناء الاتحاد ومساعديهم اكد معظم الطلبة ان الامن ليس له دور مباشر فى الانتخابات ولا يتدخل للتمييز بين المرشحين
فيقول محمود الصعيدى :-
انا شايف ان الامن فى الجامعة قايم بدوره فقط فى حماية الجامعة والطلبة وفض الاشتباكات لو حصلت انما تدخل فى الجامعة او فى نشاط الطلبة لا"
وكذلك ترى ايه الديب قائلة :-
"الامن مالوش اى تاثير على الانتخابات بشكل مباشر هو موجود علشان يفض الاشتباكات والانتخابات تطلع بصورة كويسة بعيدا عن المشادات والخناقات"
ويقول احمد شكرى امين اتحاد طلاب الجامعة:-
"الامن مالوش اى تدخل فى انتخابات الاتحاد غير انه موجود بس علشان يمنع الخناقات والاشتباكات اللى ممكن تحصل ولو كان بيتدخل اكيد ما كنش الكل النهاردة تعب نفسه وكنا هنبقى عارفين مين اللى هيفوز لكن انت شايف كنا واقفين كلنا النهاردة مع بعض مش عارفين مين اللى هيفوز وانا الحمد لله فزت واللى كان قدامى ربنا ما وفقهوش وكنا واقفين مع بعض زيى زيه بالضبط ولحد اخر لحظة ماحدش كان عارف مين اللى هيمسك امين جامعة"
ويقول كريم احمد:-
"اعتقد ان تدخل الامن مهم وهو يقوم بدوره فى فحص طلبات الترشيح والتاكد من ان المرشحين جادين وقادرين على الافادة فى مراكزهم ولكنه لا يميز بين مرشح واخر كذلك لا يتم الاستبعاد الا لمن لا يكون جاد فى الترشيح"
بينما يختلف معهم كريم عادل (امين لجنة رياضية بكلية علوم) حيث يقول:-
"الامن له سلطة جامده جدا وكل حاجة فى ايده وبمزاجه وله الحق فى استبعاد المرشحين ولو واحد الامن مش راضى عنه يبقى مش هيدخل الاتحاد"
وعن رأيهم فى قرار الغاء وحدات الحرس الجامعى اوضح الكثيرون ان الحرس الجامعى لم يكن له تدخل فى شئون الجامعة الداخليه فكل دوره فى حفظ الامن فيقول مجدى -كلية التجارة:-
الحرس مالوش اى تدخل فى الجامعة هو كل دوره فى فض الاشتباكات والحفاظ على الامن العام فى الكلية وفى الكلية الطلبة بتعمل انشطة ومظاهرات براحتهم واخر هذه المظاهرات كان من كام يوم والحرس ما اتعرضش لحد "
ويضيف
"لو الجامعة بقى امنها امن مدنى هيقوم بنفس دور الحرس الجامعى فى حفظ الامن يعنى هيقوم بنفس دور الحرس الجامعى"
ويقول محمد-كلية الحقوق متفقا مع مجدى
"اعتقد ان وجود الحرس الجامعى ضرورى وافراد الامن المدنى من وجهة نظرى غير مدربين على حماية المنشات واذا كان الحرس الجامعى اللى هو من الداخلية موجود وبيحصل اشتباكات وخناقات فى الجامعة طب لو الامن بقى مدنى هيحصل ايه؟"
وتقول ايه الديب :-
وجود الحرس الجامعى مهم واذا كان الاعتراض تم على اساس ان فيه بعض الحرس قد تجاوزوا مع الطلبة زى الضابط اللى اعتدى على طالبة فى جامعة الزقازيق فكل فئة فيها الصالح والفاسد وانا من رايى ان حل المشكلة يكون فى عقاب المخطأ فقط وليس الغاء قطاع الحرس الجامعى كله"
وعن دور اتحاد الطلبة يقول احمد شكرى :_
"اتحاد الطلبة هو حلقة الوصل بين الطلبة وادارة الكلية والجامعة ويعمل على حل مشاكلهم وتزليل العقبات فى طريقهم كما الحال فى ازمة جداول الامتحانات وغيرها"

ويقول محمد -امين لجنة رياضية بحقوق
"اتحاد الطلبة دوره تنمية الكلية والطلبة فهذا العام نقوم بالتحضير ليوم رياضى فى الكلية ونقوم بالربط والتنسيق بين نادى طنطا الرياضى وبين الكلية لاقامة انشطة رياضية فى الكلية"
وقد اجمع الكل على ان مشاركة الشباب فى الجامعة هى مشاركة ايجابية واصبح هناك اقبال على الاشتراك والتفاعل فى اتحاد الطلبة
ويقول احمد شكرى :-
"مشاركة الشباب جيدة جدا لان الطالب بيستفيد كتير من وجوده فى اتحاد الطلبة بيتعلم ازاى يعبر عن نفسه وعن ارادته وازاى يبقى مؤثر يعنى كل واحد من الواقفين له صوت هو ممكن يخلينى انا الامين او غيرى فهو بيقيم كل واحد ويختار حسب رؤيته وحسب من يراه الافضل والاصلح

كانت الانتخابات قد بدات حوالى الحادية عشر صباحا واستمرت حتى الواحدة وقد بدات الانتخابات باختيار امناء اللجان ومساعديهم ثم اختيار امين اتحاد الجامعة ومساعده
انتهت الانتخابات بدون اى مشاكل وتحدد الامناء واستعدوا للعمل من اليوم _الاثنين_وحتى نهاية العام على تنمية الجامعة وتطويرها.

افطار منظمة المؤتمر الاسلامى بالقاهرة

افطار منظمة المؤتمر الامريكى الاسلامى بالقاهرة

اقامت منظمة المؤتمر الاسلامى الامريكى (AIC) حفل الافطار السنوى الخاص بها بالقاهرة يوم الاربعاء 1 سبتمبر بحديقة الازهر. حيث حرصت من خلاله ادارة المنظمة على التاكيد على مبادئ التسامح الدينى والتقريب بين الاديان حيث حضر الحفل حضور من مختلف الديانات والانتماءات العقائدية .

وقد ضم الحضور عدد كبير من الشخصيات البارزة فى مجال العمل المدنى والعام

ومنهم

المهندس احمد رزق مدير مركز ابن خلدون بالقاهرة الذى ابدى رأيه فى المنظمة قائلا

ان منظمة المؤتمر الاسلامى بالرغم من انها مؤسسه وليدة وحديثة العهد فى مصر الا انها انطلقت بسرعة الصاروخ فى مجال العمل الاجتماعى لانها تعمل بتقنية علمية ومنهجية عالية ويرجع هذا الى الاستاذة داليا زيادة المسؤلة عن المنظمة فى مصر .

كما حضر الحفل ايضا الدكتورة بسمة موسى الناشطة فى مجال حرية العقيدة والتسامح الدينى والتى اختارتها المنظمة كشخصية العام فى مجال التسامح الدينى

وقد اشادت الدكتورة بسمة موسى بدور المنظمة الفعال فى مجال التنمية المجتمعية ودورها البارز فى التقريب بين الاديان ونبذ العنف والتطرف

ومن ضمن الحضور ايضا الاستاذ ماجد سرور المدير التنفيذى لمؤسسة عالم واحد للتنمية المجتمعية

كما حضر الحفل ايضا عدد من شباب المنظمة الناشطين فى مجال حقوق الانسان وحرية العقيدة

ومنهم

شباب المبادرة العربية للاعلام الالكترونى والتى ترعاها المنظمة

واحمد سمير مصطفى رئيس رابطة طلاب مصر

وايمان الجوهرى الناشطة فى مجال حقوق المراة والمسئولة عن برنامج تنمية حقوق المراة التابع للمنظمة .

كما حضر الحفل ممثلين عن سفارتى الولايات المتحدة الامريكية وانجلترا كدبلوماسيين سرهم نشاط المنظمة فى مصر واعجبوا بخطواتها الثابتة فى مجال تنمية المجتمع المصرى .

بدأ الحفل بعد الافطار بكلمة الاستاذة داليا زيادة مديرة مكتب منظمة المؤتمر الاسلامى بالقاهرة وشرق افريقيا حيث تطرقت الى اهم انجازات المنظمة خلال الفترة الماضية وخاصة مبادرة محاربون من اجل حرية العقيدة والتى حققت نجاح كبير على ارض الواقع فى مجال الحرية الدينية

واعلنت داليا خلال كلمتها عن انطلاق مبادرة الحلم واوضحت داليا ان المبادرة تهدف الى دفع الشباب فى الفئة العمرية من 16 الى 25 عام الى المشاركة فى حياة المجتمع المدنى بشكل فعال حيث تقوم بتقديم التدريب على مهارات العمل غير العنيف واوضحت ان هذه المبادرة يقودها احمد سمير مصطفى رئيس رابطة طلاب مصر وتقوم المبادرة حاليا بالعمل على عدة مشروعات شبابية اهمها برنامج أ ب حقوق انسان لتوعية اطفال المدارس الابتدائية بقيم ومبادئ حقوق الانسان.

وبعد كلمة الاستاذة داليا زيادة القى على حسام الدين المنسق العام للمبادرة العربية للاعلام الالكترونى كلمة اوضح من خلالها انشطة وخطط واهداف المبادرة الاعلامية .

بعدها القى احمد سمير مصطفى رئيس رابطة طلاب مصر كلمته والتى تحدث فيها عن مبادرة حلم والتى هى فكرته فى الاساس.

ثم القى الاستاذ محمد ذكريا المدرب المصرى الاول لقانون الجذب كلمه عن التسامح الدينى اشاد فيه بدور المنظمة فى تحقيق ذلك فى المجتمع المصرى .

ثم قامت الاستاذة داليا زيادة مديرة مكتب المنظمة بمصر باعلان الدكتورة بسمة موسى شخصية العام فى مجال التسامح الدينى وقامت بتكريمها وبعدها القت الدكتورة بسمة كلمتها عن التسامح الدينى واهميته ودور منظمات المجتمع المدنى والافراد فى اعادة الصورة المتسامحة للعلاقة بين الاديان فى مصر .

واختتم اليوم بتقديم فرقة تفانين الموسيقية عرضا موسيقيا لختام الافطار السنوى لمنظمة المؤتمر الاسلامى الامريكى .

حوار مع غير مسلم عن حرية العقيدة واحوال غير المسلمين فى مصر

*مبدئيا كده انت شايف ان فيه حرية عقيدة فى مصر؟
-لا مش شايف كده
*طيب ايه مظاهر عدم وجود حرية للعقيدة ؟
-بص الحرية مش معناها انى اقدر امارس معتقدى وخلاص
لا ده معناها ان ما فيش حد يضايقنى علشان انا بمارس المعتقد ده
وده بيظهر عكسه فى نظرة المجتمع لغير المسلمين على انهم درجة تانية واقل من المسلمين اللى هم اصحاب البلد فى الدنيا وفى الاخرة ففى الدنيا لازم يتهانوا ويا خدوا بالجزمة وفى الاخرة هيتحرقوا فى النار
*(اقاطعه) بس الدستور بيكفل حرية العقيدة
-وايه فايدة مواد الدستور اللى بتكفل حرية العقيدة وبتنص على عدم التمييزوانا عندى المادة التانية من الدستور بتقولى الدين الاسلامى هو المصدر الرئيسى للتشريع والاسلام هو دين الدولة طيب والباقى يروح بقى فى 60 داهية
كمان عايز اقولك حاجة القوانين والدساتير مواد جامده ملهاش اى لازمة من غير تطبيق
القائمين على القانون فى مصر بشر عاديين من المجتمع ده مش ملايكة يعنى
يعنى هيبقوا متاثرين بافكار وثقافة المجتمع متربيين على ان غير المسلمين كفرة ودرجة تانية من وهم اطفال فى البيت فى المدرسة فى الشارع .
*طيب بمناسبة المدارس ايه رايك فى تدريس الدين فى المدارس ومناهج العربى واقصد ايات القران خاصة وان فيه كتير بينادوا بالغاء تدريس التربية الدينية فى المدارس واستبدالها بمادة الاخلاق؟
-بص انت دخلتنا فى موضوع كبير قوى وهو دور المدرسة فى زيادة المشكلة
الطالب بيقضى فى المدرسة تقريبا ربع اليوم يعنى المدرسة هى تانى مكان ممكن ياخد منه افكاره وثقافته
تفتكر ينفع يبقى فيه فصل فيه 50 طالب منهم واحد بس مسيحى بيخرج فى حصة الدين الاسلامى منظره هو ايه وزملائه لازم يسالوا هو ليه فلان بيخرج ليه فى الحصة دى بالذات اكيد هيحسوا انه اقل منهم ومش منهم
ومن ناحية تانية انت مافيش عندك مدرسين للتربية الدينية المسيحية فى المدارس فالادارة يا اما تخلى المسيحى يلعب لحد ما الحصة دى تخلص
و بتخلى اى مدرس مسيحى فى المدرسة يقعد يتكلم معاه شوية فى الدين
اقولك على حاجة
انا لما كنت فى المدرسة كان اللى بيدينى دين مسيحى مدرس علوم فى المدرسة .
تصور مدرس علوم بيدينى دين مسيحى طيب هل هو كفء ؟ هل هو معتدل دينيا ولا متشدد او متطرف ؟
انت عارف ده ممكن يكبر المشكلة يفضل المدرس يكلم الطفل عن اضطهاد المسيحيين وعن هيمنة المسلمين وعن كره المسلمين للمسيحيين
ويكلمه عن ناس هو لا يعرف عنهم شئ فيطلع فرد مسيحى بيكره المسلمين ومتطرف وشوية شوية يقفوا قصاد المسلمين والبلد تولع
*تفتكر مصر ممكن يحصل فيها حرب اهلية طائفية؟
-ما استبعدش ده يحصل
*يا اخى فال الله ولا فالك بتتكلم بجد؟
-اه بكلمك بجد صدقنى ايه اللى يمنع اذا كانت الدنيا قربت تتقسم نصين مسيحين ومسلمين
يا عم ده انت تدخل اى مصلحة حكومية المسلم يروح للمسلم والمسيحى يروح للمسيحى
اضحكك
ده المسيحى اللى قاعد فى الاتوبيس او المترو يستنى لما يشوف واحدة مش محجبة او معلقة الصليب فى رقبتها علشان يقوم لها
والمسلم ما يقومش لاى واحدة مش محجبة او معلقة الصليب
ده انت عندك اقباط عاملين ع النت جمهورية الاقباط ومخليين البابا شنودة رئيسها


*(اقاطعه ضاحكا)
وانت بقى من جمهورية الاقباط ؟
-لا انا من جمهورية مصر
*طيب تفتكر قدامنا قد ايه على ما تقوم حرب طائفيه لا قدر الله ؟
-بص ما اقدرش اقول لك ده هيحصل بكره وبرضه ما اقدرش اقول لك ده مش ممكن يحصل فى الحالتين ابقى بضحك على نفسى قبل ما اضحك على اى حد
لكن احنا دلوقتى من وجهة نظرى فى مرحلة الاحتقان الطائفى
*طيب كويس قوى انك فتحت الموضوع ده موضوع الاحتقان الطائفى مش شايف ان فيه حوادث عادية بتحصل بين اى اتنين بتتحول لمشكلة طائفية زى مثلا مشكلة كاميليا زوجة الكاهن المسيحى ؟
-اه



*الدنيا قامت واتقال انها اتخطفت والمسلمين خطفوها علشان تسلم والحكاية طلعت غير كده خالص
-كلامك صح الحكاية طلعت انها كانت متخانقة مع زوجها وراحت عند واحدة صاحبتها فى القاهرة
*طيب ليه الحبه بقت قبه؟
-بص يا احمد لو جبت طفل وضربك بايده على وشك الضربة هتوجعك؟
*لا طبعا
-طيب لو وشك ده وارم ومتعور فيه ومتبهدل
هل ضربة الولد هتوجعك ساعتها؟
*اه
-هو ده اللى حاصل عندنا فى مصر دلوقتى مصر كلها وارمة ومش مستحملة اى حاجة فاى حاجة بتعمل قلق جامد
ده لو مسيحى كسر على مسلم بالعربية فالمسلم سب الدين للمسيحى
*على فكرة ممكن المسلم يسب للمسلم الدين لو كسر عليه بالعربية
-اه ما انا بقولك دى حاجة عادية جدا بتحصل كل يوم مليون مرة بس ازاى بقى مسلم يسب الدين لمسيحى الدنيا هتقوم وهيقولولك المسيحيين مضطهدين ليه بقى؟؟؟
*علشان مصر وارمة
(نضحك سويا)
*طيب انت شايف ايه سبب كل ده خاصة ان مصر طول عمرها فيها تعددية دينية ؟
-بص الكلام فى النقطة دى يطول هيطول ليشمل ايه اللى اتغير فى المجتمع المصرى من قرب نهاية حكم عبد الناصر لحد دلوقتى والاسباب واللى اتغير كتير اوى
عندك مثلا انتشار الفقر ومش اى فقر ده فقر مدقع انت عندك 44% تقريبا من الشعب المصرى تحت خط الفقر
يعنى مش لاقيين ياكلوا عايز اللى مش لاقى ياكل ده يحترم دين الاخر واختلافه ولا عايزة يقعد معاه ويحلل الاختلاف
استحالة
كمان عندك الجهل بالاخر المسلمين لا يعرفوا حاجة عن المسيحيين او غيرهم والعكس صحيح
كمان انت عندك غياب للمشروع القومى اللى يلم الكل جنب بعضهم ويبقوا ايد واحدة
الكلقى فاضى وماوراهوش اى حاجة غير الاخر والمختلف عنه
وكمان عندك الاعلام وده من اكبر الاسباب
الاعلام له دور كبير قوى دلوقتى بقى عندك اعلام سلفى وقنواته كتير وله ممولين مستعدين يلبوا طلباته المادية وبقى له متابعين كتير جدا
وفى المقابل بقى عندك قنوات مسيحية برضه متعصبة فبقى عندك معسكرين كل واحد شغال بيعبى اتباعه بالكره والحقد والنتيجة
زى ما انت شايف
كما ان زيادة دور غير المسلمين فى الحياه العامة خلى العين عليهم يعنى بقى عندك الفنان المسيحى والرسام البهائى والمليونير المسيحى والكاتب الملحد
فالضوء بقى عليهم وبقوا ع الساحة الاعلامية
غير اهم سبب ان مصر غاب عنها صفة المدنية
*يعنى انت شايف ان مصر مش دولة مدنية ؟
-طبعا الدولة اللى المؤسسات فيها ماشية على اساس مسلم ومسيحى حرام ولا حلال
الدولة اللى لها دين هى دولة دينية
ده انت عندك الماده2 فى الدستور بتقولك الاسلام هو دين الدولة
*بس المادة دى ما كانتش كده دى اتعدلت لاسباب سياسية ايام السادات
-اه ما احنا كلنا عارفين الحكاية وعلى فكرة ده كان السبب اللى هقوله بعد كده وهو تسييس الدين يعنى استعمال الدين لخدمة السياسة
*زى موقف الاقباط من التوريث؟
اه البابا شنوده مرحب قوى بفكرة ان جمال مبارك يبقى رئيس شوف انت بقى كام مسيحى دلوقتى مع التوريث وبيدعموا جمال مبارك
ونفس الشئ مع الاخوان المسلمين انت دلوقتى لو عندك دائرة انتخابية فيها مرشحين واحد اخوان والتانى مسيحى معظم اصوات المسلمين هتبقى للاخوانجى ومعظم اصوات المسيحيين هتبقى للمسيحى
السؤال ما بقاش مين الاصلح
السؤال مين ابن دينى
فبقى الانتماء للدين اقوى من الانتماء للدولة وده من مظاهر ضعف الدولة
والاعلام السلفى فيه كلام عن تساهل النظام معاه علشان كل همه النقاب والدقن وبيحرم الثورات والمظاهرات والخروج عن الحاكم فهم معتمدين عليه فى تنييم الناس
*طيب ايه الحل من وجهة نظرك؟
-الحل يبدأ من عندى ومن عندك من عند كل واحد فينا زى ما فيه تشدد احنا نضعف تاثيرة بالتعاون مع بعض
زى ما فيه اللى بيقول انا مسلم وانا مسيحى وانا بهائى
احنا نقول احنا مصريين
الكل يجتمع على قولة انا مصرى ندعو لاحترام الاخر ونحترم بعضنا
*بس هل ده كافى ؟
-لا طبعا انا لسه هكمل لك الخطوة اللى بعد كده هى الضغط على الحكومة لاصدار قوانين تحرم وتجرم التعصب الدينى وتعاقب افعاله باشد العقوبات
واهم حاجة القوانين دى تتنفذ
*اخر سؤال
تفتكر ده ممكن ياخد وقت قد ايه؟
بص مش هقولك بكره بس انا متفائل جدا وان شاء الله يحصل قريب.
*متشكر جدا لك
-العفو انا استمتعت جدا بالحوار معاك

حرية العقيدة فى مصر والتعصب الدينى وتسييس الدين

هل حرية العقيدة مكفولة الان فى مصر؟
هل يتمتع الافراد فى مصر بالحرية الكاملة فى اعتناق واظهار وممارسة شعائر العقيدة التى يختارونها بارادتهم الحرة وبدون اى ضغط عليهم من اجل التنصل من هذه العقيدة او يدفعهم لاخفائها وممارسة شعائرها سرا
هذه الاسئلة كان من رايى البدء بها كمدخل للحديث عن قضية شائكة جدا ومثيرة للجدل والتى تثار بصورة شبه دائمة من قبل فئات من داخل وخارج المجتمع المصرى.
هذه القضية التى يسعى الباحثون والمهتمون بحقوق الانسان الى دراسة ابعادها ومعرفة اسبابها الحقيقية وسبل علاجها مستعينون بالاحصائيات والدراسات الاجتماعية وبالواقع لمعرفة تطور قضية حرية العقيدة فى مصر والتى هى جزء مهم وحيوى فى كيان اكبر وهو حرية الانسان فى وطنه وحريته الشخصية .
وقد عرفت المحكمة الدستورية العليا فى مصر حرية العقيدة على النحو التالى ..
حرية العقيدة فى اصلها تعنى الا يحمل الشخص على القبول بعقيدة لا يؤمن بها او التنصل من عقيدة دخل فيها او الاعلان عنها او ممالأة احداها تحاملا على غيرها سواء بانكارها او التهوين منها او ازدرائها بل تتسامح الاديان فيما بينها ويكون احترامها متبادلا ولا يجوز كذلك للدولة فى المفهوم الحق لحرية العقيدة ان يكون تدخلها بالجزاء عقابل لمن يلوذون بعقيدة لا تصطفيها .
وفى اطار تعريف المحكمة الدستورية لحرية العقيدة يمكننا النظر الى الواقع المصرى وحالة حرية العقيدة فيه على ان حرية العقيدة غير مكفولة بالمعنى الصحيح والمطلوب لها او على الاقل تلاقى عدم تطبيق لمفهومها .
ولكن هذه الحالة من التعصب الدينى وازدراء الاخر لهى حالة جديدة على المجتمع الذى اشتهر يوما بتسامحه وبتعددية الاديان فيه ويتجلى هذا فى حداثة عمر الحوادث التعصب الدينى والتى لم تظهر على الساحة المصرية الا فى حقبة السبعينيات من القرن الماضى ولعل السبب فى هذا -من وجهه نظرى-انذاك هو تسييس الدين او الاعتماد على الدين او لنقل على فئات متشددة من معتنقى الدين لمواجهة ومحاربة الخصوم السياسيون
فالبداية كانت عندما قرر الرئيس الراحل انور السادات ان يواجه التيار اليسارى المصرى بالتيارات الدينية لتتولى تكفير التيار اليسارى وتجتذب الناس حولها باسم الدين وبضمان النظام حينها ولاء هذه الجماعات تضمن ولاء المواطنيين لها
وفى هذا الصدد يقول الباحث بدر العبيدى فى مقال له
لقد قرر الرئيس الراحل المؤمن محمد انور السادات ان يواجه اليسار المصرى ويكسر شوكته التى كانت قوية ولم يجد امامه سبيلا سوى اطلاق العنان للجماعات الدينية لتقف فى مواجهة اليسار الذى كان يخشاه كثيرا واذا كان اليسار بوجه عام والناصرية تحديدا لا تتعارض مع الفكر الدينى المستنير الذى يحمل روح الدين المتسامحة فلم يكن امامه بدا من افساح الطريق امام المتشددين وافكارهم المتطرفة فتلك وحدها كانت ترفض ما عداها من افكار
ويكمل بدر
واذا كانت تلك الرصاصة قد اصابت فى اول ما اصابت سيادة الرئيس المؤمن الذى اطلقها الا انها اكملت طريقها لتقتل قيما مجتمعية رائعة لطالما حملها المجتع المصرى باسره طوال سنينه السابقة والتى كانت على حد تعبير البعض الفترات السوية من عمر المصريين .....
للحديث بقية

من روايه عزازيل

فالبداية والنهاية إنما تكونان فقط في الخط المستقيم .. ولا خطوط مستقيمة إلا في أوهامنا ، أو في الوريقات التي نسطر فيها ما نتوهمه . أما في الحياة وفي الكون كله ، فكل شئٍ دائري يعود إلى ما منه بدأ ، ويتداخل مع ما به اتصل

فيلم جرئ قريبا

"كلنا بنبني اسوار حوالين نفسنا علشان نحميها من الوجع والالم. علشان كدة لما بنشوف الظلم بيحصل لغيرنا اسهل حاجة نعملها اننا نقنع نفسنا ان ده مش حيحصلنا، لأن أكيد ضحاية الظلم عملوا حاجة تستوجب عقابهم. ويمكن الضحاية دول بيؤمنوا بآفكار غير أفكارنا أو بيعيشوا بطريقة مش على مزاجنا فيبقى الموضوع اسهل بكتير. ولما العجلة تدور ونقع تحتيها حنلاقي غيرنا بيقولوا لنفسهم نفس الكلام لحد مايبقاش فيه حد ماداقش الظلم."
ماهر صبرى
مخرج مصرى
اعرف عن فيلمه الجديد على

http://www.jaridtak.com/articles/display_article.php?id=311

شبعتاشر سنة فى الحياة ولسة ولسة ولسة

اقل من ساعتين على حسب ساعتى تفصلنى عن عام و تدفعنى الى عام اخر من مجموعة اعوام تسمى عمر
فى تمام نصف الليل بتوقيت القاهرة اكون قد اتممت سبعة عشر عاما هى عمرى على الارض وتحديدا على ارض المحروسة
سبعة عشر عاما ضاع منهم احدى عشر عاما فى عوء اسمه التعليم وهو على فكره لا يمت بصله للعلم
احدى عشر عاما اتعذب فى مدارس المحروسه على اختلاف مواقعها واسمائها وفئاتها
سبعة عشر عاما ضاع معظمها فى نوم عميق
حياه اشبه بالموت
لا هدف
ولا اى لازمة خالص
سبعه عشر عاما
هى عمر انسان مصرى
هو انا
سبعة عشر عاما
هى عمر قصة الحب بينى وبين الحياة
اذا حذفنا فترات الاكتئاب
سبعة عشر عاما
تنقضى وابدأ عام جديد 17 سنة ولسة ولسة ولسة عايش وبحلم انى اقعد نفس القعدة دى السنة اللى جاية وابقى فرحان زيادة زى قهوتى
ولكن

قبل ساعات قليلة من اكمالى سبعة عشر عاما الى اى حد يعرفنى او ما يعرفنيش اسف لو كنت ضايقتك او زعلتك فى يوم او فى موقف

والى اصحابى يا رب يخليكم ليا يا اجمل ناس

والى نفسى اتمنى ان تسامحنى على تقصيرى معك وعلى اهمال علاقتنا واتمنى ما تزعلش منى بسبب بعض المواقف التى اندم عليها وخلى بالك من نفسك

احمد سالم
4 نوفمبر 2009
الساعة دلوقتى عشرة ونص على ساعتى

فى الجامعة

كنت فى محاضرة الرياضة وكنت فاتح النت من التليفون
والولد اللى كان قاعد جنبى كان بيتفرج على فيلم اباحى
ولما البنت اللى ورانا طلبته منه ما اتاخرش وبعته
ولما نزلنا من المدرج لاقينا مظاهرة فى الكليه علشان فلسطين
الصور والفيديو
soon
احمد سالم
الثلاثاء
تاريخ النهاردة
من كلية التجارة
جامعة طنطا
الباك يارد اللى جنب مدرج 2

little susie

اغنيه جميلة جدا لملك البوب الراحل مايكل جاكسون
سوزى الصغيرة
جاء الجميع ليروا الفتاه التى ماتت الان والتحديقة العمياء فى عيناها
وفجاة جاء صوت من الحشد
هذه الفتاه كانت تعيش عابثة لاهية وجها يحمل الكرب والضيق من اثر ما كانت تفعل
ولكن الرجل الذى كان يسكن فى المنزل المجاور لسوزى كان يعرف سوزى صرخ ان يغلقوا عينا سوزى
.............................................................................
.
Oh the blood in her hair.
A mystery so sullen in air.

سجل
أنا عربي
و رقم بطاقتي خمسون ألف
و أطفالي ثمانية
و تاسعهم سيأتي بعد صيف
فهل تغضب
سجل
أنا عربي
و أعمل مع رفاق الكدح في محجر
و أطفالي ثمانية
أسل لهم رغيف الخبز
و الأثواب و الدفتر
من الصخر
و لا أتوسل الصدقات من بابك
و لا أصغر
أمام بلاط أعتابك
فهل تغضب
سجل
أنا عربي
أنا إسم بلا لقب
صبور في بلاد كل ما فيها
يعيش بفورة الغضب
جذوري
قبل ميلاد الزمان رست
و قبل تفتح الحقب
و قبل السرو و الزيتون
و قبل ترعرع العشب
أبي من أسرة المحراث
لا من سادة نجب
وجدي كان فلاحا
بلا حسب و لا نسب
يعلمني شموخ الشمس قبل قراءة الكتب
و بيتي كوخ ناطور
من الأعواد و القصب
فهل ترضيك منزلتي
أنا إسم بلا لقب
سجل
أنا عربي
و لون الشعر فحمي
و لون العين بني
و ميزاتي
على رأسي عقال فوق كوفية
و كفى صلبة كالصخر
تخمش من يلامسها
و عنواني
أنا من قرية عزلاء منسية
شوارعها بلا أسماء
و كل رجالها في الحقل و المحجر
يحبون الشيوعية
فهل تغضب
سجل
أنا عربي
سلبت كروم أجدادي
و أرضا كنت أفلحها
أنا و جميع أولادي
و لم تترك لنا و لكل أحفادي
سوى هذي الصخور
فهل ستأخذها
حكومتكم كما قيلا
إذن
سجل برأس الصفحة الأولى
أنا لا أكره الناس
و لا أسطو على أحد
و لكني إذا ما جعت
آكل لحم مغتصبي
حذار حذار من جوعي
و من غضبي

محمود درويش

فى ذكراك

احبك يا شاعر المقاومة

يودُّ الفَتَى لو خاضَ عاصفة َ الرّدى
وصدَّ الخميسَ المَجْرَ، والأسَدَ الوَرْدَا
لِيُدْرِكَ أمجادَ الحُروبِ، وَلَوْ دَرى
حَقِيقَتَها مَا رام مِنْ بيْنها مَجْدا
فَما المجدُ في أنْ تُسْكِرَ الأرضَ بالدِّما
وتركَبَ في هيجائها فرَساً نهْدَا
ولكنّه في أن تَصُدَّ بهمَّة ٍ
عن العالَمِ المرزوءِ، فيْضَ الأسى صدَّا

ابو القاسم الشابى

شاعر تونسى

enrique lglesias hero

Would you dance if I asked you to dance?

Would you run and never look back?

Would you cry if you saw me cry?

And would you save my soul, tonight?

Would you tremble if I touched your lips?

Would you laugh? Oh please tell me this.

Now would you die for the one you loved?

Hold me in your arms, tonight.

I can be your hero, baby. I can kiss away the pain.

I will stand by you forever. You can take my breath away.

Would you swear that you'll always be mine?

Or would you lie? would you run and hide?

Am I in too deep?

Have I lost my mind?

I don't care...

You're here tonight.

I can be your hero, baby.

I can kiss away the pain.

I will stand by you forever.

You can take my breath away.

Oh, I just want to hold you. I just want to hold you.

Am I in too deep? Have I lost my mind? I don't care...

You're here tonight. I can be your hero, baby.

I can kiss away the pain.

I will stand by your forever.

You can take my breath away. I can be your hero.

I can kiss away the pain. And I will stand by you forever.

You can take my breath away.

You can take my breath away.

I can be your hero.

الى نيرمين اول من عرفنى على اينريك وهيرو

حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك

... لو أن كل عربي أصلح ما تصل إليه يده!

منشور .............
الخميس, 30 يوليو 2009 جريدة الحياة
بقلم محمد جابر الأنصاري *
يسود هذه الأيام إحباط كبير بين العرب بسبب العجز والتشرذم وغموض المصير. ونعتقد أن مرد ذلك، عائد بالدرجة الأولى، إلى اعتماد المواطن العربي – ليس على نفسه – وإنما على القرار من أعلى أو... انتظار البيان الرقم (1) من الإذاعة، كما تعود في عقود سابقة كي يأتيه الفرج الذي ينتظره. وتسود خيبة أمل كبيرة بين القطاعات التي يئست وهي من مختلف ألوان الطيف السياسي. وهذا يفسر جنوح بعض الشباب والصغار إلى أعمال اليأس الانتحاري أملاً في تغيير الأوضاع وتحسينها (التي يستحيل بحسب سنن الله في خلقه ومنطق التاريخ أن تتحسن بهذه الطريقة).
وينتهي كل «حوار» عربي إلى طريق مسدود، فما العمل؟ وكيف الخروج من دائرة الخيبة واليأس؟ «التنظيرات» متفاوتة ومتناقضة، وكل حزبٍ بما لديهم فرحون!
ونعتقد، بإخلاص وتواضع، أن الفرد العربي ليس بإمكانه عمل الكثير لتحسين الأوضاع العامة في الظروف الراهنة. لكنه يستطيع – إن أراد – تحمّل المسؤولية المباشرة المترتبة عليه من دون الاحتجاج والتعلل والبحث عن «مبررات» للتراخي والتهرب وإلقاء اللوم على الآخرين. (وإن كنا لا نستطيع «تبرئة» أحد، بخاصة من يحتل موقعاً عاماً، كبر أو صغر: «فكلكم راعٍ، وكلكم مسؤول عن رعيته»).
غير أن هذا الحديث الشريف لا يعفي حتى الفرد العادي من تحمل مسؤوليته المباشرة. فبإمكان المواطن العربي – مثلاً – الاعتناء بتربية أبنائه وتوجيههم وإرشادهم، بدل تركهم ضائعين في الطرقات وأمام «جاذبية» المخدرات... وغيرها. ويحضرني في هذا الصدد مقال كتبه الناشط الكويتي المرحوم أحمد الربعي، الذي فقدناه قبل الأوان، لاحظ فيه أن ثمة «أباً» لا يعرف أبناءه – من حريمه الأربع – ويخلط بينهم ولا يهتم لضياعهم، لكن هذا الأب «المحترم» حريص على «نقد» الأوضاع العامة وتبصير «الحكومة» بمسؤولياتها... ونقدها نقداً «مـراً»!
وثمة قول شائع، لا نشك في صحته، وهو أن المواطن العربي يشتعل حماسة إذا دعي إلى «كنس» الامبريالية، لكنه لا يعبأ إذا دعي إلى «كنس» النفايات والأوساخ التي تملأ داره أو شارعه!
من المؤسف أن التخلي عن المسؤولية الشخصية «المباشرة» قد أصبح ظاهرة «عامة»، وذلك سبب أساس لسوء الأوضاع التي يشكو منها الجميع. وليس توجيه الأبناء المهمة الوحيدة التي يستطيع الفرد العربي القيام بها. فحرصه على أداء عمله بما يقرب من المستوى الأمثل «فريضة غائبة» أو «مفقودة». وهذه مشكلة لا نظن أن دائرة أو مؤسسة أو شركة في الوطن العربي لا تعاني منها. ولنتصور كيف ستصبح عليه الأوضاع العربية لو أن كل فرد عربي قام بعمله كما ينبغي، أو حاول ذلك في أقل تقدير. إن مكانة اليابان، وأمم الشرق الأقصى، تنبع من هذه الحقيقة على رغم أن الأوضاع العامة في بعض تلك البلدان ليست مثالية أو قريبة من المثالية...
والمشكلة في بعض البلدان العربية – الخليجية منها بخاصة – أن المواطن لا يقبل القيام ببعض المهن التي تجلب لها عمالة خارجية لا تؤثر فحسب على النسيج الاجتماعي والثقافي لتلك البلدان، بل يمكن أن تهدد مصيرها كذلك. وما لم يتنبه المواطن إلى ذلك ويعد له أبناءه – والأمل معقود فيهم – فإن بعض المجتمعات العربية مقبلة على كارثة لا محالة...
وعلى رغم «تدين» الكثيرين من العرب اليوم، ووجود أحاديث نبوية وتوجيهات دينية تحث صراحة على أن يُحسن المرء عمله وأن يؤديه على الوجه الأكمل، فإن هـذا الجانب «العملي» في الدين لا يلتفت إليه أحد في غمرة الاهتمام بالمظهر والشكل.
فكما ورد في الأثر النبوي: «إن الله يحب إذا عمل أحدكم العمل فليتقنه» – رواية الطبراني.
إن «إتقان العمل»، بل القيام به أصلاً، من الصفات المفقودة في الكثيرين من العرب. والأمم، اليوم، تتبارى في «الإنتاجية» ومن يعمل أفضل... ينتج أفضل. فماذا ننتج نحن؟ بعد أن رفعنا شعار: «ننتج من الإبرة إلى الصاروخ!»، فكل ما نستخدم في حياتنا اليومية من الورق والأقلام إلى الملابس والطعام والأدوات من إنتاج الآخرين. ونحن عالة وعيال عليهم!... فإلى متى؟
إضافة إلى ما يستطيع الفرد العربي الواحد القيام به – من حيث تصل يده إليه – من حسن تربية الأبناء وإتقان العمل تأسيس وعيه الفردي على الحقيقة والمعرفة.
إن «أوهاماً» كثيرة يعيش عليها الكثيرون من العرب. وهم يفضلون سماع الوعود «المعسولة» التي تنفّس عنهم وتفرحهم على سماع الحقائق «المرة»... وإن كانت حقائق!. وهذا لا يستقـيم إلى مـا لا نهـايـة. ففي كل مرحلة يصحو العرب على حقـائـق أليمة تجـاهلوها وحجبوها، فتظهر في حياتهم كالمرض العضال الذي كان يحـتـاج إلى معالجة جادة منذ بدايته، لكنهم لا يتنبهون إلى تلك «الحقائق» إلا بعد «استفحالها»... هذا إذا «اعترفوا» بها وتقبلوها... ولم يتطوع الكثيرون من كتّابهم وخطبائهم إلى إلباسها لباساً يخفي وجهها الحقيقي تحت ستار التبرير!
والغريب أن تراثهم الحضاري العربي حافل بالمنبهات العقلية التي توجّه إلى اكتشاف الحقائق كما هي، لكن هذا الجانب من التراث مغفل ومهمل وكأنه لم يكن!
ونحن في عصر لا يرحم إلا من يعرفون الحقيقة ويتبعونها... ولا مكان للتوهم والتدليس!
إن التعامل مع واقع العالم شعراً – والشعر ديوان العرب! – عملية خطرة، بل انتحارية. وحاولنا لفت الأنظار إلى النثر العقلي في تراثنا كمقدمة ابن خلدون التي لو استوعبها العرب لأحسنوا التعامل مع عالمهم المعاصر. فالمقدمة وعالمنا اليوم يستندان إلى ذات المنطق العقلي. وللعرب، في ما بعد، الاستمتاع برومانسية الشعر كما يشاؤون، لكنها لا تصلح لفهم العالم ناهيك عن القدرة على تغييره...
هكذا فلو أصلح العربي الفرد ما تصل إليه يده، والأمثلة عديدة، وقد قدمنا نماذج منها... لتولد كم هائل من الإصلاح الذي لا بد أن يغيّر حال الأمة وينتقل به إلى الأفضل.
إن قطرات الماء – إذا تواصلت وتكاثرت – بإمكانها أن تشق الصخر وتحفر لها مجرى تسير منه. وكذا الأفراد إذا تضافرت إراداتهم وأصلحوا ما تصل إليه أيديهم!
* مفكر من البحرين.

تأملات فى التركيبة المصرية الجديدة

تأملات فى التركيبة المصرية الجديدة
الكلام النهاردة عن المصرى او لنكون ادق عن التركيبه الجديدة للمصرى
ايوة الجيل اللى عاش فى مصر فى اخر 30 سنة وما زال حيا بيننا
الانسان المصرى من السهل جدا تلاقيه فى اماكن زى محطات المترو ومحطات التوبيس العام _روح عبد المنعم رياض او رمسيس_يمتاز المصرى بحدوث عدة تغيرات فسيولوجية له وذلك لتتلائم وظائف المصرى البشرية مع البيئة المصرية التى يحيى فيها المصرى
وعلى سبيل المثال وليس الحصر
أ-فمعده المصرى حدث لها تطور فاصبحت تفرز سائل هو اشبه بماء النار المركز وذلك لتستطيع ان تتلائم وتقوم بوظيفتها فى هضم المسامير التى اصبحت تتواجد بصفة مستمرة فى ارغفة العيش
ناهيك طبعا عن القمح المسرطن والغير صالح للاستخدام الادمى
وغيره وغيره مما ياكله المصرى
ب-ساقى المصرى حدث لهما ايضا تطور فاصبحت سرعيتهما تقارب سرعة النعامة او الفهد وذلك ليتمكن المصرى من العدو خلف الميكروباظ _وصيلة مواصلات مصرية تصنع بواسطة تويوتا اليابانية_والذى يمارس دوما هوايته المفضله فى ان يجرى ويخلى الناس تجرى وراه
ج-الجزء المسئول عن العد والاحصاء فى مخ المصرى حدث له تطور حيث تفوقت قدراته على الاحصاء والعد وذلك ليتمكن المصرى من عد واحصاء الفلوس اللى عليه والحاجات اللى نقصاه وذلك خلال جلسات النميمة والنق على مخاليق ربنا
د-العصب السمعى الذى يصل بين الاذن وبين الجزء المسئول عن السمع فى المخ اصابه من الحب جانب وحدث له تطور حيث زادت قدرته على تلقى الاصوات وبث الاشارات للمخ وذلك ليتمكن المصرى من تلقى اكبر قدر من الاوامر من الناس اللى فوق وينفذها
وقد صرح السيد مسئول انه قد تقرر ابتكار خانة جديدة فى بطاقة الرقم القومى غير النوع والديانة وهى خانة سرعة تلقى وتنفيذ الاوامر
وستقام مسابقة كل عام فى تحديد الاسرع على ان يكون الحد الادنى من السرعة هو 50امر \ ثانية
ه-لسان المصرى تطور حتى اصبحت سرعته فى نقل الاشاعات اقصاها
وقد صرح السيد مسئول _غير اللى فوق- بان سرعة لسان المصرى فى نقل الاشاعات قد جاوزت سرعة الصوت وقاربت سرعة الضوء
المصرى اجدع واحد يطلع نكت وتعتبر النكتة عند المصرى هى احسن اداه للتنفيس عن الظلم والقهر الذى يعانى منه
ودايما بيقول المصرى فى نكته كل ما لا يقوله علانيه وقدام الناس
مرة الرئيس مبرك...................
انه المصرى حيث الاسلوب الذى يتبعه مع من بتعامل معهم ويعتبره اسلوب امثل فى التعامل هو اسلوب لوى الدراع
يلوى دراع الاقل منه والاعلى منه يلوى دراعه وهكذا حتى اصبحت الحياه بالنسبة للمصرى دائرة مفرغة من لوى الادرع
المصرى احسن حد ينطبق عليه مقوله ابو حيان التوحيدى
اغرب الغرباء من كان غريبا فى وطنه
المصرى بفضل ربنا سبحانه وتعالى اولا
ثم بفضل سائقى الاتوبيسات والميكروباصات فى مصر امهر من لاعبى اكروبات السيرك
يركب الاتوبيس من دول وهو ماشى وينزل منه بمهارة ولا اجدع لعيب سيرك
المصرى عنده شويه سلبية لو اتوزعت على الدنيا كلها هتخربها
تلاقى الكلمة المفضله ليه كانها الكلمة السحرية
هى وانا مالى
وتلاقيه يقولك اياكش الدنيا تولع بس انا اكون بخير
واياكش حرف تمنى وللدعاء
او تلاقى اللى تعليمهم برانى -بلغه اهل بره- يقولو
اياكش الدنيا تفير بس انا اكون فين
المصرى عنده اعتقاد راسخ بان افضل مكان لتلبية نداء الطبيعة وعمل بىبى هو الشارع والامر نفسه بالنسبة لرمى الزباله حيث اعتقاد المصرى بان الشارع ما هو الا نقلب زباله كبير
المصرى ما زال معتقد ان اللى شغال فى الخليج او فى اوربا بيغرف فلوس من غير حساب
المصرى ذكى بس بيتغابى
المصرى بيكذب الكذبة ويعيش الدور ويصدقها
المصرى متناقض جدا
تلاقسه شويه يقولك الدنيا لسة بخير
وشويه يقولك ولاد الحرام ماخلوش لولاد الحلال حاجة
ينصح اخنه بالحجاب واخوه بالصلاه ويسب الدين للى يكسر عليه بالعربية
المصرى حيث فوت علينا بكرة

المصرى حيث شيلنى اشيلك عرقنى اخدمك
المصرى حيث الذكاء فى التزويغ من الشغل وضرب الاجازات المرضية
المصرى حيث انا اعمل بجد اذن انا حمار
المصرى حيث عمل وتكوين الصداقات بسرعة فى اشارات المرور وفى طوابير العيش وطوابير المصالح الحكومية


وبعد هذا سيكون الرد المنطقى لسؤال نانسى عجرم
لو سالتك انت مصرى تقولى ايه
الله يسامحك اهو انتى اللى مصرية

فيلسوف سكر نسى الزمن
سأل هى الساعة كام؟
مشى يتأمل فى الكون والوشوش
وشاف فيلم حياته وعرف انه البطل والباقى كمبارس
فأمن ان الحياه ابسط من شراب مقطوع
ومن ساعتها بيبنى نصبه التذكارى .
احمد

من اجزخانة منير بحر الحياة لعلاج الاكتئاب والتشاؤم

بحر الحياة ياغدار واحنا لفين رايحين
شايل معاه الأسرار واحنا معاه ماشيين
أيام تفوت وتروح واحنا ولا حاسين
أحلام تعيش وتموت ياقلوبنا ياخايفين
الطير بيهاجر وبيرجع
الشمس بترحل وبترجع
الدنيا بتاخد وبتدي
الليل لو طول حيعدي
دي ليالي بنحلم وتعبنا
ورجعنا لوحدنا بعذابنا
حاول تتغير
ومسيرك تقدر
وبلاش نستلم يوم للحزن مادام عايشين
بحر الحياة ياغدار واحنا لفين رايحين
شايل معاه الأسرار واحنا معاه ماشيين
أيام تفوت وتروح واحنا ولا حاسين
أحلام تعيش وتموت ياقلوبنا ياخايفين
لو ينسى الواحد أحزانه حيشوف الورد وألوانه
لو نفتح للدنيا قلوبنا حتدق الأحلام على بابنا
دي ساعات الدنيا بتوعدنا
ونقرب منها وتبعدنا
حبها من قلبك
حبها حتحبك
اضحك للدنيا الفرحه حتيجي في غمطة عين
بحر الحياه ياغدار ... الدنيا لسه بخير
شايل معاه الأسرار ... في حياتنا لسه كتير
أيام تفوت وتروح ... بكره حيجي أكيد
أحلام تعيش وتموت ... حيجينا حلم جديد
الدنيا لسه بخير
في حياتنا لسه كتير
بكره حيجي أكيد
حيجينا حلم جديد

العيد السنوى للتدوين

كانت اول تدوينة ليا يوم 13 يوليو فى السنة اللى فاتت 2008كانت بعنوان باقة ورد على مدونتى ولد مصرى اللى اتغير اسمها وبقت ورقة وقلم

هسيبكم مع باقة ورد

باقه ورد مساء الخير او صباح الخيراية اللى حصل للولاد_اللى انا منهم زى ما انتم عارفين_الولاد دلوقتى كل همهم الواد من دول تلاقيه مسقط البنطلون ولابس السلسلة الجنزير وضارب جل فى شعره ولابس قميص فسكوس من نفس قماشة قمصان النوم وكان الله بالسر عليماما البنت فلها الاستايل بتاعها تصحى الصبح تلبس البدى الكارينا والكوتش الفلات وتعمل الطرحة اسبانش _دة لو كانت محجبة_وبرضة كان الله بالسر عليموالمشكلة يا جماعة ان البنات فاكرين ان باللى بيعمله ده الاولاد هيدوبوا فى عرايسهم والاولاد فاكرين انه باللى هم بيعملوة دة البنات هدوب فى دباديبهم الحكاية عكس كدة خالص البنت بندور على انسان محترم تنفع ترتبط بيه راجل يحميها_مش لا مواخذة_وكذلك الولد بيدور على انسانة محترمة تصونه وتصون اولاده ويفتخر بيهارسالة من ولد مصرى على شاكلة باقة وردالى الولد اللى مسقط بنطلونةانت عارف ان الموضة دى دلوقتى فى امريكا رمز الشذوذ وعارف ان اول ناس ابتكروا الطريقة دى كانوا المساجين الامريكان وبعدين انت بتسقطة والاندر وير بيبان طب لو انت عايز الاندر وير يبان ما تلبسة فوق البنطلونورسالة لاخواتى اللى غاويين لبس محزق وملزق احب اقول لك فى عجالة اعرفى ان اللى هيبصلك ويرتبط بيكى ده هيكون علشان جسمك بس مش علشانك

احمد سالم

الارض ومايكل جاكسون وانا

هل وقفت لتلاحظ?
هذا هو السؤال الذى يطرحه مايكل جاكسون فى اغنيته الارض
انا فاكر اول يوم سمعت فيها الاغنية وشفت الكليب
كان عند صديق ليا على الكمبيوتر بتاعه
سألته مين اللى بتغنى دى
قاللى ده مايكل جاكسون
قلت له هو ده بقى
ما انا كنت بسمع عنه بس
اعجبت بالاغنيه جداااااااااااااااااااا
وحبتها اوى
ولما رجعت البيت قعدت افكر فيها وادندن باللحن وبشويه الكلمات العربى اللى ترجمتهم
هل وقفت لتلاحظ
ماذا عن المطر
ماذا عن شروق الشمس
ورحت جبت صورة لمايكل جاكسون ومن ساعتها بدأت اتابع الاسطورة ملك البوب
انا دخلت على اليوتيوب بالصدفة ولا قيت كليب الارض وترجمة عربى كمان قلت احطه
كذكرى للاسطورة
والذى فارق عالمنا
احمد
6.2009