هى اجمل حاله

هى بجد اجمل حاله هحصلتلى فى الدنيا
بل انها كمان هى الحاله اللى انا شفت فيها كل حالاتى
مش عارف فيها ايه غير اى واحده خلانى اتشد ليها
عندها كاريزما وجاذبيه غريبه
شدتنى من اول نظرة
مش قادر انسى شكل ضحكتها
اليوم اللى بشوفها فيه بيبقى ليه طعم تانى خالص
شفت الدنيا بلون تانى من يوم ما عرقتها
بصراحه حاسس انى مشدود ليها جامد بالدرجه اللى خلتنا مش عايز حد معايا غيرها
هو ده يبقى الحب ولا لاء
انا متاكد ان ده مش حب مراهقه وخلاص
ده حاجه اجمل من كده
بجد بحبها
احمد

اتفق العرب على الا يتفقوا
بس خلاص
واللى عنده كلام تانى يتفضل يتحفنا

حالات

حياتى حالات
حاله فرح وساعات حزن
واحيانا حاله تفاؤل تمر
ترمى السلام وتقول حبه كلام
حاله تشاؤم واكتئاب
كانت لابسه تنوره
كانت من كلامها باين انها مغرورة
حاله حب روحها مكسورة
عايش بيها حياتى
حاله صفا مع نفسى
دايمه لوقت مش كتير
لذلك اؤمن بان حياتى حاله كبيرة بعيشها بكل تفاصيلها

حاله صدق

طفل يعرب إعرابا تدمع له العين قال الأستاذ للتلميذ... قف وأعرب يا ولدي:"عشق المسلم أرض فلسطين"وقف الطالب وقال:عشق: فعل صادق مبني على أمل يحدوه إيمان واثق بالعودة الحتمية،والمسلم: فاعل عاجز عن أن يخطو أي خطوة قي طريق تحقيق الأمل، وصمته هو أعنف ردة فعل يمكنه أن يبديها، وأرض: مفعول به مغصوب وعلامة غصبه أنهار الدم وأشلاء الضحايا وأرتال القتلى، و.... و.... وستون عاما من المعاناة. فلسطين: مضافة إلى أرض مجرورة بما ذكرت من إعراب أرض سابقا. قال المدرس: يا ولدي مالك غيرت فنون النحو وقانون اللغة؟؟؟يا ولدي إليك محاولة أخرى..."صحت الأمة من غفلتها" أعرب...قال التلميذ...صحت: فعل ماضي ولى.... على أمل أن يعود.والتاء: تاء التأنيث في أمة لا تكاد ترى فيها الرجال.الأمة: فاعل هدَّه طول السبات حتى أن الناظر إليه يشك بأنه لا يزال على قيد الحياة.من: حرف جر لغفلة حجبت سحبها شعاع الصحوة. غفلتها: اسم عجز حرف جر الأمة عن أن يجر غيره، والهاء ضمير ميت متصل بالأمة التي هانت عليها الغفلة، مبني على المذلة التي ليس لها من دون الله كاشفة..قال المدرس: مالك يا ولدي نسيت اللغة وحرفت معاني التبيان؟؟؟قال التلميذ: لا يا أستاذي... لم أنسى... لكنها أمتي... نسيت عز الإيمان، وهجرت هدي القرآن... صمتت باسم السلم، وعاهدت بالاستسلام...دفنت رأسها في قبر الغرب، وخانت عهد الفرقان...معذرة حقاً أستاذي،فسؤالك حرك أشجاني...ألهب وجداني،معذرة يا أستاذي...فسؤالك نارٌ تبعث أحزاني، وتهد كياني...وتحطم صمتي، مع رغبتي في حفظ لساني...عفواً أستاذي...نطق فؤادي قبل لساني...عفواً يا أستاذي؟؟؟؟؟

منقول

حاله(اجمل اصحاب)

يمكن اكون عايش كويس ماشى ما فيه ناس كتير عايشين

بس يمكن انا عندى حاجات مش عند اى حد

الحاجات دى هى اصحابى من اصغرهم الى اكبرهم

الحياه بجد ملهاش طعم من غيركم

حسام وعمر وطارق وصلاح ومصطفى والبحيرى وساره

بجد من غيركم انا ولا حاجه

شكرا لتشجيعى

انتوا اجمل حاجه عندى

بجد ما كنتش اتصور انى محظوظ كده علشان يكون عندى انا بس

اجمل اصحاب فى الدنيا

حاله

فلسفة عداد اشاره المرور

سرحت فى عداد اشارة المرور . فى الارقام اللى بتعد تنازلى 45 44 43 42 41 40 ..........................

سرحت فيها اتخيلت ان ده عداد عمرى وان الارقام دى هى رصيدجى من الايام اللى ليا علشان اعيشها على ارض العالم ده وكل يوم بينقص من الايام دى يوم لحد ما يتصفر العداد .

خلصت الاعداد ال 45 فى العداد واتصفر عداد اشاره المرور واتحول لون الاشاره الى اللون الاخضر .

اتحركت العربيه تمشى بعد توقف .

اتخليت ان انا العربيه دى وفى يوم من الايام يوم لما يتصفر عداد رصيدى من الايام الارضيه هتنور الاشاره اخضر فاتحرك ماشى .

ماشى رايح مكان بعيد اسيب الكوكب ده واروح لحته بعيده .بعيد جدا عن العالم ده .

بس لازم اسيب حاجه فى الكوكب ده تعرف اللى هيجى بعدى ان كان فيه حد هنا عاش اسمه احمد

لازم اسيب حاجه تاكد انى عشت واتعلمت على ارض الكوكب ده

اتعلمت من حاجات حصلت وبتحصل اتعلمت من فلسفه الحياه عليه

واتعلمت ان فيه ناس بتعيش وتموت وترحل عننا سواء لا فيه حاجه تفكرنا بيهم ولا حتى احنا نعرفهم

قررت انى ما كونش من الناس دول

واسيب بصمه على ارض العالم ده قبل الرحيل

قبل ما تدق اجراس موت واحد من العباد

قبل ما الاشاره تنور اخضر واسيب الكوكب ده

لازم يكون ليا رساله فى الايام اللى بعيشها

هى دى فلسفه عداد اشاره المرور

طنطا فى 16 يناير 2009

حالة

قاعد انا فى حصه الماده الرخمه اللى اسمها ........................ واللى بيدى الدرس_مش هقول راجل ولا ست _عمال بيقول حاجات انا مش فاهم منها حاجه خالص والناس قاعده فاتحه بقها وبتنام ومحدش فاهم اى حاتجه فى اى حاجه والعمليه بايظه خالص وانا لوحدى فى عالم تانى عالم زى واحد اعمى فى سينما ما بتعرضش غير افلام صامته
والوقت يمر والحصه بنت ال..................... مش راضيه تخلص ما هى 3 ساعات وانا مخى بقى مهلبيه من كتر الحاجات اللى بحاول جاهدا انى افهمها لحد ما صحيت على كلام خلانى كنت عايز اعمل زى منتظر الزيدى واقلع اللى فى رجلى وادى بيه اللى واقف بيدى الدرس ومش هوه بس لا ده وزاره التربيه والتعليم كلها نفر نفر _الا حسام صاحبى_قال ايه بقى حاجه مش فى الكتاب ابن ال.............. اللى اسمه كتاب المدرسه والللى مفروض نلتزم بالمنهج الللى فى امه والحاجه دى بتيجى فى الامتحان لا والانيل ان الحاجه دى مش هتنفع تتشرح لانها اعلى من مستوى تفكيرنا وذكائنا والناس اصلا مش فاهمه اى حاجه دول كانتوا نايمين اه واللله الللى قاعد بيتفرج على اى حاجه فى الموبايل واللى قاعد بيسمع اغانى من على ال i pod واللى قاعد بيلعب xo واللى نايم وانا قاعد بكتب الموضوع اللى سيادتك بتقراه دلوقتى
طبعا انت لاحظت انى ما ذكرتش اسم المادة ودى هى المسابقه اللى انا عملتها
كل الللى عليك انك تحزر وتفزر وتخمن ايه هى الماده دى
وخلينى اقولك ان الماده دى الامتحان بتاعها جه صعب السنه الللى فاتت وناس انتحرت بسببها وناس دعت على الوزير
وحروف اسم الماده 8 حروف
ها عرفت
اذا عرفت الحل اتصل على
0183629623
والحق كلمنى قبل ما انتحر وما تشوفش خلقتى تانى
المغفور له والمرحوم ضحيه الثانويه العامه
احمد ابن على ابن احمد وكل دول ولاد سالم