Buscar

انا وعمر طاهر

انا عارف انى مهما كنت مش هعرف اتكلم عن عمر طاهر زى اى حد ولكنى هتكلم عنه زى ما انا شايفه صاحبى _بالرغم من ان عمره ضعف عمرى _ومثلى الاعلى اللى بافخر انى اعرفه ولو من قليل اجمل ما فى عمر انه بيفكر بطلاقة وعبقريه وشويه جنون متفائل حتى فى احلك المواقف متواضع جدا اشعاره تحمل عمقا انسانيا لا يوصف كل اللى تحس بيه وانت بتقرا كلمات عمر ان انت اللى كتبت الكلام ده بيصف شعورك واحاسيسك بدقه متناهيه بيطير بيك فى سماء الواقع باجنحه الخيال الحالم قد ايه بتحس بتلقائيه جميله فى كتابات عمر تحس فيها بالصدق يعنى قعد كتب الكلمات زى ما هى طالعه من جواه مش قعد يحرق وقت علشان يطلع كلام مش حاسه عمر من خلال مقوله له فى كتاب كابتن مصر علمنى حاجه ساعدتنى كتير فى الحياه وهى ان انا بطل فيلم حياتى والباقى كومبارس وعلمنى اضحك على مشاكلى واستفد من كلمات كتيره منه عمرى ما هنسى اليوم اللى كنت مكتئب فيه لاقيت ايدى لمست زرار الموبايل وطلبت رقم عمر كلمته وسلمت عليه وبعدها راح الاكتئاب وفى الاخر بجد افخر ان عمر عارف مين هو احمدبل كمان قال فى احدى حفلات توقيع كتابه الاخير احمد سالم اصغر اصدقائى بجد افخر انى اعرف عمر طاهر ملحوظه اعتذر لعمر عن عدم وضع لقب استاذ والذى دائما اناديه به وكن كتبت اسم عمر المجرد مع احترام المقامات

فيلم

حياتك فيلم يلعب فيه الاخرون دور الاب والام والصديق
لكن انت البطل فحاول التصرف مثل الابطال
عمر طاهر
كابتن مصر
عمر صاحبى قال حياتى فيلم وانا البطل وعشان كده قعدت امبارح وشغلت الفيلم من الاول
شفت عيل صغير فى بيجاما زرقا
بيحلم يطول السما
اللى بيناله رايقه
وبعد كده كبر وعقل وعرف انه انسان
صمم انه يبقى انسان مش حيوان
بيدخل فى مناقشات ومجادلات
فى كل الاماكن والاوقات
شفته روميو عاشق جوليت
شفته قائد بيبنى وبيهد
شفته طموحه واصل للنجم
شفته ملك فى الحلم
شفه عفى ومجنون وبيحب ابوه
شفته بيطل ميتين اللى بيقبلوه
لقيته بيحاول يسرق من الزمن لحظه تفاهم مع الحياه
وفى الاخر شفته ماسك قلمه وورقته
حيران يكتب النهايه لفيلمه ايه
احمد سالم
شكر خاص الى صديقى عمر طاهر

يبقى انت اكيد اكيد فى مصرررررررررر

يبقى انت اكيد فى مصر امتى بتقول الكلمة دى او بشكل تانى امتى بتلاقى الحاجة اللى انت شايفها دى مرتبطة بمصر جايز لما بتشوف اتوبيسات النقل العام اشبه بعلبة السردينجايز برضه لما بتشوف التك تك ممكن ممكن لما تشوف جمل مكتوبة على الmicro busزى العين صابتنى ورب العرش نجانى ممكن ممكن برضة لما تلاقى العربيات بتمشى بالعرض ممكن وممكن برضه لما تلاقى الشات او الدردشة انتقات بقدرة قادر من الايميلات ومن الموبايل الى ظهر كراسى الاوتوبيس وممكن برضه بكرة يبقى احسن يس لو احنا حبينا نتغير احمد

يا امتحاناتك يا ام الدنيا

يوم الامتحان يكرم المرء او يضرب بالجزمة هذه هى المقوله اللى اخذ المدرسين والاباء يرددونها على مسامع الطلاب من ابنائهم ومن ذواتهم حتى يستعدوا للامتحان من اول يوم فى العام الدراسىلكن لم يقل احد انك مهما تعبت وسهرت وطلع عينك فى المذاكرة هيجى واحد رخم من ديناصورات الوزارة الكريمة يضيع تعبك بقلمه هو ده الحادث يا ساده امتحانات تعجيزية يصعب على الطالب التعامل معها ده كله بعد المذاكرة والسهر والدروس الخصوصيه يا ابن................................... _النقط دى مكان شتيمة_ طب ليه كده انا اقولكم ما هم فكروا فى الازمة السكانيه اللى عندنا فقالو ايه السبب فى المشكله دى الشباب اللى ناوى يتجوز كمان كام سنة خلاص اذا تم القضاء على الشباب هننهى الازمة السكانية بس يا سيدى الواد او البنت من دول بعد المذاكرة والتعب يجى الامتحان الرخم وبدل ما كان داخل طب يدخل كليه اداب قسم مكتبات_اسوا قسم فى كليه على ما اسمع_ فتيجى له جلطه فى المخ ويموت وبكده نحل الازمة السكانية ونزود موارد البلد ونعمل مدارس كتير لناس لها نفس المصير بعد كام سنة ويعملوا كبارى وطرق كتير ويطورا البلد بقى بجد تحيا مصراحمد سالم 0183629623

الاستغفار


أكيد أنت ترى الناس هذه الأيام كيف يسعون ويتفننون في طلب الرزق.. هذا يأخذ قرضا ويشتري أسهما وهذا طوال يومه بمعارض السيارات. وهذا ما عاد يرى أهله من كثرة ما يدور بالمخططات والمساهمات و و و...
لكن توجد شغلة ناس كثيرة جدا جدا ما فكرت فيها... حتى كبرى العقليات الاستثمارية لم تأت على بالهم إلا من رحم ربي.يقول الله سبحانه وتعالى: {فقلت استغفروا ربكم إنه كان غفارا * يرسل السماء عليكم مدرارا * ويمددكم (بأموال) وبنين ويجعل لكم جنات ويجعل لكم أنهارا}
الاستغفار: يا ناس يا عالم .. الاستغفارسبب رئيسي لأشياء حلوة في حياتنا ...
حاول قدر المستطاع أن ترطب لسانك بالاستغفار
اغتبت فلان استغفر.. رأيت منكرًا استغفرلازم الاستغفار ملازمة دائمةأشياء كثيرة جدا تمنيناها .. من منا لا يحب المال؟ من من لا يحب أن يكون عنده أولاد وبنات؟ من منا لا يحب أن يعيش وسط جنات وأنهار في الحياه الدنيا؟
هذه كلها أشياء خيالية.. بجد خيالية.. ولكنها ليست صعبة أو مستحيلة على رب العالمين سبحانه.. الله قادر أن يحققها لنا.. لكن إذا حققنا المطلوب منا.. وما المطلوب منا؟ شيء واحد فقط.. ولا أسهل منه {الاستغفار} والإكثار منه.. والنتيجة؟

أنا أقول لك النتيجة: عسى ربي يحفظك.. الاستغفار سبب في زيادة الرزق.. وسبب في الذرية الصالحة إن شاء الله.. وسبب في تحول أراضينا إلى جنات وأنهار...
وهذا ليس كلامي ولا كلام الدكتور فلان أو الشيخ فلان... لا هذا كلام الله سبحانه وتعالى عن الاستغفار.
وإليكم هذه القصة عن الاستغفار :

سمعتها في خطبة الجمعة للشيخ الحمد الله يحفظه ويرعاه وهي رائعة .. القصة كالتالي مختصرة ...
في عصر الشيخ أحمد بن حنبل ، كان الشيخ احمد مسافراً فمر بمسجد يصلي فيه ولم يكن يعرف احداً في ذلك المنطقة وكان وقت النوم قد حان فافترش الشيخ أحمد مكانه في المسجد واستلقى فيه لينام وبعد لحظات إذا بحارس المسجد يطلب من الشيخ عدم النوم في المسجد ويطلب منه الخروج وكان هذا الحارس لا يعرف الشيخ احمد ، فقال الشيخ احمد لا أعرف لي مكان أنام فيه ولذلك أردت النوم هنا فرفض الحارس أن ينام الشيخ وبعد تجاذب أطراف الحديث قام الحارس بجر الشيخ احمد إلىالخارج جراً والشيخ متعجب .. حتى وصل إلى خارج المسجد .. وعند وصولهم للخارج إذا بأحد الاشخاص يمر بهم والحارس يجر الشيخ فسأل ما بكم ؟ فقال الشيخ أحمد لا أجد مكانا أنام في والحارس يرفض أن أنام في المسجد ، فقال الرجل تعال معي لبيتي لتنام هناك ، فذهب الشيخ أحمد معه وهناك تفاجأ الشيخ بكثرة تسبيح هذا الرجل وقد كان خبازاً وهو يعد العجيب ويعمل في المنزل كان يكثر من الاستغفار فأحس الشيخ بأن أمر هذا الرجل عظيم من كثرة تسبيحه .. فنام الشيخ وفي الصباح سأل الشيخ الخباز سؤالاً وقال له : هل رأيت أثر التسبيح عليك؟
فقال الخباز نعم ووالله إن كل ما أدعو الله دعائاً يستجاب لي ، إلا دعاءاً واحدا لم يستجاب حتى الآن ، فقال الشيخ وما ذاك الدعاء ؟ فقال الخباز أن أرى الإمام أحمد بن حنبل
فقال الشيخ أنا الإمام أحمد بن حنبل فوالله إنني كنت أجر إليك جراً ، وهاقد أستجيبت دعواتك كلها ..
{أستغفرالله الذي لا إله إلا هو الحي القيوم وأتوب إليه}ملاحظة مفيدةإذا استغفرت ربك الآن فلك أجر . أجل.. مارأيك لو بعد سنة مثلا تجدألف واحد يستغفرون وأنت لك مثل أجرهم بالضبط. ما رأيك؟ طيب تخيل كم عددهم بعد سنتين.. ثلاث.. عشر سنين؟ طيب تخيل إن هذا الشيء ما يكلفك قرشاواحدا.. مايكلفك إلا تقريبا 20 ثانية.. ما رايك؟ضع يدك على الماوس واذهب للأمرForward قم بإرسال هذه الرسالة لكل من عندك تخيل نفسك يوم القيامة وأنت واقف والله سبحانه يحاسبك.. وقتها تتمنى ليس حسنة بل نصف حسنة.. وما تدري إلا وعندك جبال كبيرة من الحسنات والأجر والثواب. والسببرسالة ما تأخذ من وقتك خمس دقائق في قراءتها
وإرسالها

على اسم مصر

على اسم مصر الجزء الأول النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أوح يحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد اقوله لحد القمح ليه إسمه قمح اليوم وأمس وغد ومصر يحرم عليها .. والجدال يشتد على اسم مصر ولما زماني رماني عليل نسيت كل شيء عن حبيبي الجميل لكن هو أبداً انا مانساهوش نسيت مشيته وصوته كان شكله إيه ورسمة شفايفه ولمسة إيديه نسيت نظراته نسيت لون عينيه وقوس الحواجب وسهم الرموش لكن هو أبداً انا ما انساهوش نسيت إسمه وحكايته وعرفته فين وعشنا سوى العمر والا يومين وكان م البشر والا طير بجناحين نسيت حتى كان له وجود أو مالوش لكين هو أبداً أنا ما انساهوش قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر رحـيـلاً رحـيـلاً بغيـر هـوادة رحـيلاً فإن الـرحـيل سعـادة عبادة إرادة سيادة ولادة رحـيـلا .. إلى أين لـيس يـهـم ولـيس يـهـم بأي وسيـلة .. أجيـراً بلقمـتـه في البـواخـر .. عـلى واحـد من جيـاد القبيلة .. على مقعـد في ذرى الجـو فـاخـر وتمـلأ الكـأس بنت جمـيلة .. على قدمي .. أو بفكري .. أهاجر أبادر أغادر أخاطر أسافر ولـكـن إلى أيـن .. لـيس يـهـم إلى حيث لا تعبـر الأفـق شمس إلى القـطب .. أو حلقة الاستواء .. إلى حـيث يـسمـع لـلجـن همس إلى بـاطـن الأرض أو في الـفضـاء إلى مـرفـأ الغـد .. أو أرض أمس أرى كل شيء ومن أين جاء وافعل ما قاله القدماء من الفقراء أو الحكماء أو الأمراء أو الأشقياء أو البلهاء فليس يهم لقد قيل وهو الكلام المهم اللي يعيش ياما يشوف واللي يمشي يشوف اكتر شفت الجبرتي بحرافيش الحسين وبولاق بان البلد ماشي زي النمس في الأسواق بالفلاحين ع المداخل من بعيد وقريب بالأرنؤوط بالشراكسة بكل صنف عجيب مترصصين سور رهيب مزراق في ريح مزراق كأنهم لا بشـر ولا خلقـة الخـلاق ومصر فلاحة تزرق بين رقيب ورقيب من غير أبو الهول ما ينهض ناهضة شايله حليب والصبح بدري الجبرتي ينام وقلمه يسيب على اسم مصر مصر اللي عمر الجبرتي لم عرف لها عمر وطلع لقاها مكان مليان عوام وزعر جعيدية غوغاء يجيبوا تملي وجع الراس وخليط أفارقه هنادوة روم ملل أجناس والترك في القلعة والمماليك خدودهم حمر كان عمرها ستلاف سنة .. كلها سنين خضر بس الزمان يختلف زي اختلاف الناس ناس تبني مجد وحضارة وناس بلا احساس وناس تنام لما يزحف موكب الأحداث على اسم مصر أنا اللي اسمي حتحـور .. أنا بنت رع مثـال الأمـومـة ورمـز الحـنـان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان أنـا ربـة الحـب حتـحـور أنـا أنـا السيـدة المـنـجدة المـغـرميـن وكـم مـن محـب ف هـواه انـضـنى دعـاني وطيـبـت خـاطـره الحـزيـن أنـا طـيبـة انمـا طـبـعي صـعـب وديعـه .. ولـو ثـرت بـطشـي مـهـول ما اشـوفش اللي قدامي لو ألف شعب أدوسـهـم وتجـري دمـاهـم سيـول ويـوم رع ما فـات بسنـاه في السـما وكل العيـون خايفـة تنـظر اليـه وجـالـه القمـر خلقتـه معتـمة وعـدى قصـاده .. وضـلم عـليه يا ويـل الـلي فتـح في ابـويا العـظيم يا ويل من تطاول يا ويل من ضحك يا ويـلك يا مصـر مصيرك الـيم أنا اللي اسمي حتحور انا ح امسحك يحـاول يهـديني رع ما اسمـعـوش وادمـر واطـيـح في البلاد والعبـاد أنـا الـطيبـه .. كنت زي الوحـوش سفـكـت دماء البـنـات والـولاد دبـحت المحبـين في عـز القبـل هـدمت المعابد على المنشدين قلبت على النحـاتين الجبل حرقت الغيـطان هم والفلاحين لحد ما رع نـادى ع الآلهة وقال صـبوا في النهر كل النبيذ وشفت الميـاه حمرا ومزهزهة وظنيتها دم الضحايا الـلذيذ شربت انتقامـاً شربـت شربـت وأنا بالـعن المفتـري والغبـي وحبـة بحبـة عن الوعـي غبت ونمت على النيل في ضي أبي وقمت .. بكيت من فؤاد أم ثكلى ونهنهت فوق صدر مصر العريض على العالم المبدورين جنبي قتـلى وكان دمعي ينصب في النيـل يفيض واقول ليه يا مصـر ولادك كـده يا إمـا المذله يا يتـجبـروا يا خوفـي يا فـرحة قـلوب الـعدا ويا نـدمـي لو ما يتغيـروا ومن يـومها والنيـل في نفس المعاد يفيض كل عام قبل فصل الخـريف بلون حمرة الـدم يملا البلاد ويملا النسـأيـم بعـطر مخـيف بعطري أنا الـلي اسمي حتحور أنـا وعـطري مخـيف وحـنون وطـري يفـرح بس مـرة في كـل سنة ويهمس يا مصر اذكـري .. واحـذري نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش ليش وحصان صهل صحى جميع الجيش على اسم مصر حصان عرابي جميل حصان عرابي أصيل حصان عرابي رشيق ديله طويل يسهر مع الخيل طول الليل يتكلم ويقول أراء رغم إنه ماكانش متعلم ويقف في عابدين وياخذ زاوية البروفيل للرسامين يرسموه ونشوفه جيل ورا جيل ويعدي كالريح على المجاريح ويسلم وحافره ع الصخر في التل الكبير علم ولما صابه انفجار القنبلة اتالم على اسم مصر والمس حجارة الطوابي وادق بكعابي يرجع لي صوت الصدى يفكرني بعذابي يا ميت ندامة على أمة بلا جماهير ثورتها يعملها جيشها ومالها غيره نصير والشعب يرقص كأنه عجوز متصابي إنهض من القبر احكي القصة يا عرابي يطل لي رافع الطهطاوي م التصاوير شاحب ومجروح في قلبه وجرح قلبه خطير وعيونه مغرورقين بيصبوا دمع غزير على اسم مصر مالك سلامتك بتبكي ليه يا طهطاوي قال لك عرابي .. انكسر بسلاح أوروباوي وسلاح أوروبا ماهواش المدافع بس ده فكر ناقد مميز للثمين والغث قلناها ميت ألف مرة ألف مرة بصوت جهير داوي بس الحماقة لاليها طبيب ولا مداوي ولا حد م الخلق بالخطر اللي داخل حس الغفلانين اللي خلوا العقل صابه مس قالوا الخطر هو فكر أوروبا لو يندس على اسم مصر أحسنت في القول صحيح يا ولد يا متنبي جبت اللي جوه الفؤاد عن مصر متعبى وحكمت بالعدل لكن بعضنا انظلموا " يا أمة ضحكت من جهلها الأمم " العلم كان عندنا من صغره متربي لكنه هاجر وعدى البحر متخبي لما الإيران هجموا ثم اليونان هجموا ثم الرومان دمروا ثم التتار هدموا ثم الجميع كل واحد جه مسح قدمه على اسم مصر أيها الديك رفيع الموضع يا صفيحاً فوق مسمار يدور صف لنا فعل الرياح الأربع قل لنا .. لو كنت تدري ما يدور قال صه . فالآن ريح الشرق جاءت تحمل الضوضاء من سوق المزاد وتغني دون لحن كيف شاءت أنا ريح الشرق أدعى شهرزاد أنا أحكي ثم أحكي ثم أحكي وأمامي السيف كالعشب يميل وبكائي يتساوى مع ضحكي طالما كان بأسلوب جميل ثم ها قد أرسل الغرب رياحه تزكم الأنف برائحة عجب وتغني كبغى في مناحة أنا ريح الغرب لوني كالذهب أنا صفراء برمل الصحراء أدفن الخضرة تحتي دون رحمه أوصدوا الباب بوجهي الحقراء حسنا فلتصبح القرية فخمة ثم ها قد اقبلت ريح الجنوب بدخان الدهن تسري عابقة وتغني انني أدعي الهبوب أنا سوداء كبئر المشنقة أنا سوداء كأفعى هائلة كرماد النوم ينثر في العيون كالعرايا في المروج الموحلة سعداء .. تعساء ..يرقصون وتأنى برهة ديك الصفيح يلقط الأنفاس وهو يترنح دائراً دورته مع كل ريح وأخيراً صاح كالأسد المجنح هللويا ..أقبلت ريح الشمال في غلالات رقاق راعشه وهي تشدو بحنو ودلال ها أنا ريح الشمال المنعشة إنني وردية مثل العسل ديدمونا .. هكذا يدعونني قد عبرت البحر يحدوني الأمل لعطيل أسمر .. يخنقني ! ومضى ديك الرياح في دعه من يمين ليسار يتذبذب وبدا اضحوكة وإمعه وهو مصلوب شهيد يتعذب وعلى رأي المثل الديك الصفيح بيدوخ ويا الريح والديك الصفيح م البيضه بيصيح ويقول بالصريح الفكر فوق في الشمال يا الله الحقوه يا ولاد لحقوه ولاد من ولاد الأغنيا الأسياد وهم راجعين رموه في الباخرة في البحر ونزلوا حكموا في ظل الانجليز والقصر ومصر في الشمس بتغربل كلام منعاد عن ابن بنت ابن حنت وطارق ابن زياد والانجليز راضية بالخطباء وخطب الفخر خطيب يهز الرؤوس وخطيب يهز الخصر وخطيب يموت موتة الأبطال قتيل القهر على اسم مصر والانجليز معجبين بمراسم التأبين مات مصطفى كامل اتملت البلد صواوين والمشرقين شوقي جابهم لجل يبكوا عليه آه لو عرف هم إيه دلوقت وبقم إيه المشرق الأولاني هو شعب الصين هزم التخلف بتنظيم اشتراكي رصين تنظيم يروح اللومان على طول كده برجليه والمشرق التاني ينحط الحديد في إيديه مليون شهيد يعني ثورة تخض شوقي بيه على اسم مصر هل مصر موميا جميلة صورتها فوق النعش يعشقها مجنون ينادي عليها ولا تطلعش هل مصر نار صفصفت والنفخ فيها محال والأرض نشعت على رمادها استحال أوصال سألت أنا الرافعي كان عجٌز ولا بيسمعش لكن عينيه كانوا يحكولي قصص ما اشبعش يقولولي ماتخافش مصر بخير وعال العال مصر الجبرتي ومصر الرافعي حال غير الحال انظر محمد فريد أعظم وأرقى مثال على اسم مصر خذ الكتاب في يمينك وانظر الترقيم عند المحبة وعند الموت في حرف الميم تلقى محمد فريد بينهم مقيم ع العهد وتلقى وجهه المدوٌر زي قرص الشهد مليان حماسة وكياسة وجدعنه وتصميم على إيه مصمم؟ .. يسهٌم زي كل زعيم ويقول على الثورة اللي وأدوا ثورته في المهد أنا بابني في السر شيء صعب المنال كالفهد على اسم مصر محلول مركز من السكر في كباية وف قلبه خيط يتلضم حباية حبايه سكر نبات بللورات الماظ بتضوي ضي وتفضل الألماظات تكبر شوي شوي لحد ما العقد يبقى في الجمال غايه ده الحزب في الشعب نضرب به المثل آيه الصلب والسايل الاثنين سوا ياخي تنظيم محمد فريد في كل قريه وحيٌ بللوره بتشع بالثورة اللي يومها جيٌ على اسم مصر العقد الماظ ورقبة مصر لايقاله ضيٌع فريد كل أرضه عليه وأمواله وفجأة حاكموه ويالله نفوه عن الأوطان وحرب عالمية أولى ووفد م الأعيان وثورة والانجليز انحطوا وانشالوا مين اللي نظٌم فلول الشعب ده بحاله ازاي جميع البلاد تنهض في نفس الآن القاهرة اسكندرية منفلوط اسوان وبعيد يا ولداه فريد مرمي وحيد شرقان على اسم مصر السيمفونية اسمها الثورة على المحتل سنة تسعتاشر اتعزفت في كل محل تأليف محمد فريد ألفها من سنوات وكتب لها النوتة بوق وبيانو وكمنجات عزفوها من غير قيادته وجمعهم ما اختل غير وقت صرف الأجور لما النفر ينذل من وقتها وغلوشت نغمات على نغمات وسعد زغلول زعيم مشغول في الانتخابات يخطب ويضرب يابده يطبع البصمات على اسم مصر وف أوضة عريانة فيها كل شيء بردان رقد فريد وحده بالحمى والهـذيان وقام وقف ع السرير في تلج المانيا ينده يا مصر اسمعي اللي مفاق الدنيا ووصيتي الثورة لاشتراكية والبنيان ثورة بحق وحقيق مش حركة م الأعيان ماتغمضوش عن وحوش الغرب ولا ثانية ح تروح وحوش لنجليز تطلع وحوش تانية وسقط ونطق الشهادة ونظرته الحانية على اسم مصر على اسم مصر(2) الجزء الثاني:و قد كتب الشاعر هذا الجزء من الملحمه بعد عودته من موسكو فى خريف 1971 و هذا الجزء لم يكتملأنا الذي مشيت ادوٌر باشتياق وحنين على مصر .. والمشي خدني من سنين لسنين لحد ماسنيـنهـا وسنـيني بقم واحد وعاصرتها يوم بيوم لم فاتني يوم واحد وحضرت شاهد عيان مولد وموت ملايين مازعلت من كلمة قد البركة في الجايين مين هم دول يا جدع .. ما توحد الواحد البركة فينا وفي السامعين بالواحد أنا قلتها بنرفزة .. من غيرة الواحد على اسم مصر مصر الرمال العتيقة وصهدها الجبار والنيل كخرطوم حريقه وحيد في وسط النار في إيدين بشر نمل رايحه وجاية ع الضفة فيهم مطافي وفيهم كدابين زفة وفيهم اللي تعالى وقال أنا حكمدار وكل باب م البيبان مقفول على اسرار وكل سر بحريقة عايزة تتطفا من أهلي تندهلي وتقوللي تعا اتدفا أنا اللي عمري انكتب إلى يوم ما اتوفى على اسم مصر على اسم مصر ارفعوا الانخاب واملولي شدوا الوتر ع القمر يا شباب وغنولي نسكر على حبها بالفن والاحساس نسكر ودمع الحماس يملا لنا تاني الكاس احنا يا حلوه الفدا بس اطلبي وقولي يا سمره بعيون كده وسنتك لولي وغنوه الحب تعلا ويسمعوا الحراس يصفروا ويحضروا بفرقة طبول ونحاس ويتقفل سجن مصر امام عيون الناس على اسم مصر والمطبعة تدور وتخطف كل إيد منشور عيش لسة م الفرن طالع ريحته ريحة النور يا فلاحين يا جنود يا طلبة يا عمال عدوكم حلف لاستعمار ورأس المال عاش الطريق لشتراكي قوم يا شعب وثور وحكمكم حكم اقطاعي عميل مأجور عاش الكفاح بالسلاح إلى القنال يا رجال خلوا حياه لنجليز المستقرة محال والشمس نامت ليلتها وفكرها شغال على اسم مصر القاهرة في اكتئاب والأنس عنها غاب من عتمة تدخل لعتمة كأنها ف سرداب أو قرية مرمي عليا ضل هجانة الحظر م المغربية بأمر مولانا ومصر في الليل بتولد والبوليس ع الباب صبية ولاٌدة يابا ولحمها جلاب طلع الصباح زغرطت في السكة فرحانه على كتفها مولودتها لسه عريانه وف لحظة كانت جميع الدنيا دريانة على اسم مصر على كتفها مولودتها وتجري وتنادي ياولادي من يوم ميلاد الأرض ياولادي ينهض لها امحتب بدواه يقويها وبنتاؤر ينشد الاشعار يهنيها وسعد زغلول يكح يزلزل الوادي وعرابي يهمس ومصر ترد بتمادي تقوله آه برضه ثورة جيش وح احميها بالدم بالروح بكل حياتي ح افديها اما الأسامي معنديش غير اسمها على اسم مصر مولودة كبرت وشبت في تلات تيام من هبة هبت .. لثورة لبت الاحلام والعرش عام راح ايطاليا بعيد ورا البراميل يا هلترى دي حقيقة والا وهم جميل ومصر من إمتى كانت حظها بسام ظهر قميص العرق متشمر الاكمام أنا شفته عقلي برق وبدأ لصاحبه يميل نقشت له ف قلبي احلى وأروع التماثيل بدراعي والمطرقة وبإيدي والأزميل على اسم مصر